Katarda Álem chempıonaty ótpeı qalýy múmkin
ASTANA. QazAqparat - Katarda 2022 jyly fýtboldan álem chempıonaty ótpeı qalýy múmkin. Alty arab memleketi Halyqaralyq fýtbol federatsııasyna Katarda ótýi tıis halyqaralyq jarysty basqa jerge aýystyrý týraly ótinish jasady, dep jazady The Local FIFA basshysy Djannı Infantınǵa silteme jasaı otyryp.
Halyqaralyq sport uıymyna Saýd Arabııa, Iemen, Mavrıtanııa, BAÁ, Bahreın jáne Egıpet elderi birlesip ótinish bildirgen. Ótinishte fors-majorlyq jáne basqa da «eseptelmegen» jaǵdaılarǵa baılanysty jarysty Katarda ótkizbeý jaıy aıtylǵan. Bastama avtorlary Katardy «terrorızmdi qoldaýshy» dep atap, ol jankúıerlerdiń qaýipsizdigin qamtamasyz ete almaıdy dep kórsetken.
Eske sala keteıik, 5 maýsym kúni arab elderi Katarmen dıplomatııalyq baılanystardy úzetindigin jarııalaǵan bolatyn.
