Katar Sırııadaǵy óz elshiligin japty
ASTANA. 19 shilde. QazAqparat - Katar, Sırııa Prezıdenti Bashar Asadtyń jaqtaýshylary dıplomatııalyq ókildikke jasaǵan shabýylynan keıin, Sırııadaǵy óz elshiligin jaýyp, elshisin shaqyrtyp aldy. Bul týraly RBK «Sınhýa» agenttigine silteme jasap habarlady.
Ázirge resmı málimdeme jasalǵan joq, biraq agenttikke suhbat bergen derekkóz, dál qazir elshilikte tek sırııalyq qyzmetkerler ǵana jumys istep jatqanyn habarlady. Katar dıplomatııalyq mıssııasynyń músheleri, barlyq dıplomattar men konsýldyq basqarmanyń barlyq qyzmetkerleri Katarǵa oraldy.
Ótken aptada Damaskidegi Katar elshiligi B.Asadtyń qarýly jaqtaýshylarynyń eki ret shabýylyna ushyraǵan bolatyn. Olar, Sırııadaǵy ahýaldy shynaıy kórsetpegen Katardyń «Ál-Jázıra» telearnasynanyń áreketine osylaısha narazylyq bildirgen kórinedi.
Sarapshylar, Sırııadaǵy jaǵdaıdyń kún sanap ýshyǵyp kele jatqanyn aıtyp otyr. Ótken juma kúni Sırııada sońǵy úsh aıdaǵy eń úlken narazylyq sharasy ótti. Birneshe myń adam Damask kóshelerine shyǵyp, «Bashar, ket!» dep urandaǵan.
