Qatar sheteldik áýe tasymaldaýshylary úshin áýe keńistigin ashady
ASTANA. KAZINFORM – Ushýlar men onymen baılanysty operatsııalar halyqaralyq qaýipsizdik standarttaryna sáıkes júzege asyrylady.
Qatar memleketiniń Azamattyq avıatsııa basqarmasy ushqyshtar quramyna (NOTAM) Hamad Halyqaralyq áýejaıy arqyly Qatar memleketindegi sheteldik áýe kompanııalarynyń jumysyn kezeń-kezeńimen qaıta bastaý týraly habarlama jiberdi.
- Bul sheshim barlyq memlekettik qurylymmen kelise otyryp, daıyndyqtyń eń joǵary deńgeıin jáne jedel qyzmet tıimdiligin qamtamasyz etý maqsatynda jaǵdaıdy keshendi baǵalaý qorytyndylary boıynsha qabyldandy, - delingen Qatar Azamattyq avıatsııa basqarmasynyń (QCA) málimdemesinde.
Vedomstvo barlyq ushý men onymen baılanysty operatsııalar jolaýshylar men áýe kompanııasy qyzmetkerleriniń qaýipsizdigin qamtamasyz etý úshin barlyq qajetti saqtyq sharalary qabyldana otyryp, eń joǵary halyqaralyq qaýipsizdik standarttaryna sáıkes júrgiziletinin rastap otyr.
Osyǵan deıin Iranmen soǵys saldarynan avıatsııalyq janarmaı tapshylyǵy týyndaýyna baılanysty, Eýropada mamyr aıynyń sońynan bastap reıster toqtatylýy múmkin ekenin jazdyq.
Sondaı-aq BAÁ men AQSh daǵdarys jaǵdaıyndaǵy qarjylyq qoldaý máselesin talqylaǵanyn habarladyq.