Qatar: Parsy shyǵanaǵy memleketteriniń qaýipsizdigi jahandyq mańyzǵa ıe
ASTANA.KAZINFORM - Qatardyń Memlekettik mınıstri Mohammed bın Abdýlazız Ál-Hýlaıfı qaqtyǵys taraptaryn kelissózderdi qaıta bastaýǵa shaqyrdy.
Onyń aıtýynsha, qazirgi áskerı qaqtyǵys jahandyq naryqtarǵa aıtarlyqtaı áser etip jatyr. Mınıstr Al Jazeera arnasyna bergen suhbatynda Parsy shyǵanaǵy elderiniń qaýipsizdigi tek aımaqtyq qaýipsizdik emes, jahandyq qaýipsizdik ekenin atap ótti.
Ál-Hýlaıfı sonymen qatar Parsy shyǵanaǵy elderinen munaı men gaz eksportynda mańyzdy ról atqaratyn Ormýz buǵazyndaǵy keme qatynasy erkindigine tónetin eleýli qaýipter týraly eskertti. Onyń málimdemesi Irannyń osy strategııalyq mańyzdy sý jolynan ótetin kemelerge shabýyl jasaımyn dep qorqytqannan keıin jasaldy.
Qatar qaqtyǵys taraptaryn, sonyń ishinde Amerıka Qurama Shtattaryn beıbitshilik jolyna oralýǵa jáne kelissózderdi qaıta bastaýǵa shaqyrady. Mınıstrdiń aıtýynsha, Doha dıplomatııalyq arnalardy qoldaýdy jalǵastyryp, saıası kelisimdi jaqtaıdy.
Sonymen qatar Katar bıligi Irannyń elge jáne kórshiles memleketterge jasaǵan shabýyldaryn qatań aıyptady. Mınıstr mundaı áreketter Iran men aımaq elderi arasyndaǵy uzaq merzimdi tarıhı qarym-qatynastarǵa aıtarlyqtaı zııan keltiretinin málimdedi.
Ál-Hýlaıfı Qatar men Parsy shyǵanaǵynyń basqa da memleketterine shabýyldardy dereý toqtatý kerektigin atap ótti jáne azamattyq ınfraqurylymǵa jasalǵan shabýyldarǵa alańdaýshylyq bildirdi.
Memleket basshysy Ázerbaıjan eline qarsy jasalǵan áreketti qatań aıyptaıdy.
Qatar Irandy qaqtyǵysqa qatyspaǵan elderge shabýyl jasaýdy toqtatýǵa shaqyrdy.