Qatar óz aýmaǵyna jasalǵan soqqylardy aıyptady

ASTANA.KAZINFORM — Doha ózine jaýap berý quqyǵyn saqtaıtynyn málimdedi, dep habarlaıdy Kazinform tilshisi. 

Qatar memleketi Irannyń ballıstıkalyq zymyrandarymen óz aýmaǵyna jáne baýyrlas elderge jasalǵan soqqylardy aıyptap, ony óz egemendigine, qaýipsizdigine jáne aýmaqtyq tutastyǵyna jasalǵan aýyr quqyq buzý dep baǵalady.

— Qaýipsizdigimizdi jáne ulttyq múddemizdi qorǵaý maqsatynda Qatar halyqaralyq quqyq normalaryna sáıkes, agressııa sıpatyna saı jaýap berýge quqyly, — dep habarlady Qatardyń syrtqy ister mınıstrligi.

Katar SІM Dohanyń Iranmen dıalogty qoldaýshy basty taraptardyń biri bolyp qala beretinin atap ótti jáne eki tarapty da máselelerdi beıbit jolmen sheshýge shaqyra beredi.

Buǵan deıin Izraıl Iranǵa zymyran soqqylaryn jasaǵany habarlanǵan. Sol jaýap retinde Iran aımaqtaǵy amerıkalyq nysandarǵa shabýyl jasady.