Qatar Omandaǵy AQSh-Iran kelissózderin quptaıdy

ASTANA. KAZINFORM – Doha kelissózder aımaqtaǵy turaqtylyq pen qaýipsizdikti nyǵaıtýǵa qyzmet etedi dep úmittenedi, dep habarlaıdy Kazinform agenttiginiń tilshisi.

– Qatar memleketi Amerıka Qurama Shtattary men Iran Islam Respýblıkasy arasyndaǵy Maskatta ótken kelissózderdi quptaıdy jáne osy turǵyda eki taraptyń múddelerine saı keletin jan-jaqty kelisimge ákeletinine senim bildirdi, - delingen Katar Syrtqy ister mınıstrliginiń málimdemesinde.

Qatar memleketi deeskalatsııany qamtamasyz etýge baǵyttalǵan barlyq kúsh-jigerdi turaqty túrde qoldaıtynyn málimdedi. Eldiń Syrtqy ister mınıstrligi daǵdarysty sheshý maqsatynda kelissózderdi uıymdastyrýǵa jáne qoldaý kórsetýge atsalysqanyn atap ótti. Sonymen qatar, Qatar Oman Sultanatynyń konstrýktıvti dıalogty damytý arqyly sheshimin tabýdy qajet etetin máselelerdi talqylaýǵa yqpal etkenin moıyndaıdy. Bul jaǵdaı aımaqtaǵy turaqtylyqty saqtaý úshin mańyzdy bolyp otyr.

Buǵan deıin Iran men AQSh Omandaǵy kelissózin aıaqtaǵanyn jazǵan edik.