Katar men Bahreın dıplomatııalyq qarym-qatynastardy qalpyna keltirýge kelisti
DÝBAI.TASS – QazAqparat – Katar men Bahreın 2017 jyly úzilgen dıplomatııalyq qatynastardy qalpyna keltirýge kelisti. Bul týraly Katar Syrtqy ister mınıstrligi habarlady, dep habarlaıdy QazAqparat TASS-qa silteme jasap.
Vedomstvonyń saıtynda jarııalanǵan málimdemege sáıkes, sársenbide Bahreın-Katar komıtetiniń kelesi sharalar jónindegi ekinshi otyrysy ótti, onyń barysynda «BUU erejelerine jáne 1961 jylǵy Dıplomatııalyq qatynastar týraly Vena konventsııasynyń erejelerine sáıkes eki el arasyndaǵy dıplomatııalyq qatynastardy qalpyna keltirý týraly sheshim qabyldandy». Komıtet otyrysy Er-Rııadtaǵy Parsy shyǵanaǵy arab memleketteri yntymaqtastyǵy keńesiniń (SSAGPZ) Bas hatshylyǵynyń shtab-páterinde ótti.
«Taraptar bul qadam ekijaqty qatynastardy damytýǵa, parsy shyǵanaǵy elderiniń ıntegratsııasyn ilgeriletýge jáne birligin nyǵaıtýǵa, teńdik pen tatý kórshilik qaǵıdattaryn, ulttyq egemendikti, táýelsizdik pen aýmaqtyq tutastyqty qurmetteýge degen ózara nıetten týyndaıtynyn rastady», - delingen málimdemede.
2017 jyldyń jazynda Saýd Arabııasy, BAÁ, Bahreın jáne Mysyr Dohany lańkestikke qoldaý kórsetip, olardyń ishki isterine aralasty dep aıyptap, Katarmen dıplomatııalyq qarym-qatynasyn úzetinin jarııalaǵan edi. Artynsha ekonomıkalyq sanktsııalar men Katarǵa kóliktik blokada salyndy.
2021 jyldyń qańtarynda Arab monarhııalary men Mysyr Saýd Arabııasynyń El-Ýlıa qalasynda ótken Parsy shyǵanaǵy arab memleketteriniń yntymaqtastyq keńesiniń sammıtinde Katarmen barlyq kelispeýshilikterdi toqtatý, onymen tolyqqandy dıplomatııalyq qatynastardy qalpyna keltirý, sondaı-aq kólik blokadasyn alyp tastaý týraly kelisimge qol qoıdy.
