Qatar men AQSh strategııalyq yntymaqtastyqty nyǵaıtýǵa basa nazar aýdardy
ASTANA. KAZINFORM – Qatar syrtqy ister vedomstvosynyń basshysy jahandyq energetıkalyq qaýipsizdikti qamtamasyz etý úshin teńiz keme qatynasy erkindigine kepildik berýdiń mańyzdylyǵyn atap ótti, dep habarlaıdy Kazinform menshikti tilshisi.
Qatar premer-mınıstri sheıh Muhammed bın Abdýlrahman bın Djassım At-Tanı Vashıngtonǵa sapary barysynda vıtse-prezıdent Djeı Dı Vens jáne AQSh Qarjy mınıstri Skott Bessettpen strategııalyq yntymaqtastyqty nyǵaıtý joldaryn talqylady.
Eki tarap qazirgi aımaqtyq oqıǵalardy eskere otyryp qaýipsizdik salasyndaǵy yntymaqtastyqqa basa nazar aýdardy.
– Álemdik energııa qorlary naryǵyndaǵy damý da talqylandy. Taraptar jahandyq energetıkalyq qaýipsizdik úshin energııamen jabdyqtaýdyń turaqtylyǵyn saqtaýdyń jáne Qatardan álemdik naryqtarǵa suıytylǵan tabıǵı gazdy úzdiksiz jetkizýdiń mańyzdylyǵyn atap ótti, - delingen Qatar Syrtqy ister mınıstrliginiń málimdemesinde.
Vedomstvo sheıh Muhammed bın Abdýlrahman bın Djassım At-Tanı osyǵan baılanysty teńiz keme qatynasy erkindigin halyqaralyq quqyqqa sáıkes kepildendirýdiń mańyzdylyǵyn atap ótkenin qosty.
Amerıkalyq tarap óz kezeginde eki el arasyndaǵy berik strategııalyq seriktestikti joǵary baǵalap, Qatardyń aımaqtyq turaqtylyq jáne jahandyq energetıkalyq qaýipsizdikti nyǵaıtýdaǵy belsendi rólin basa aıtty.
Osyǵan deıin Qatardyń memlekettik munaı-gaz kompanııasy Qytaı, Ońtústik Koreıa, Italııa jáne Belgııaǵa uzaq merzimdi suıytylǵan tabıǵı gaz (STG) jetkizýge fors-major jarııalanýy múmkin ekenin habarlady.
Sondaı-aq BUU Ormýz buǵazy arqyly jetkizýdi qamtamasyz etý úshin jumys tobyn quratynyn jazǵan edik.
