Qatar máselesin sheshýge arnalǵan alańdy usynýǵa daıynbyz - Nursultan Nazarbaev

ASTANA. QazAqparat - Memleket basshysy Nursultan Nazarbaevtyń aıtýynsha, atalǵan máseleni retteýde Qazaqstan men Túrkııanyń "ıslamdyq tatýlasý" bastamasy septigin tıgize alady, dep xabarlaıdy QazAqparat tilshisi.

"Aǵymdaǵy jyly 10-11 qyrkúıek kúni Astanada Islam yntymaqtastyǵy uıymynyń alǵashqy sammıti ótedi. Dál osy sharada ıslam elderi arasyndaǵy dıalogty ornatýǵa ábden bolady. Men barlyq basshylardy shaqyrdym. Osy memleketterdiń elshilerinen meniń shaqyrýymdy taǵy bir márte jetkizýdi suraımyn", - dedi Nursultan Nazarbaev Aqordada ótken kezdesýde.

Aıta keteıik, búgin QR Prezıdenti Nursultan Nazarbaev elimizde tirkelgen dıplomatııalyq mıssııalar men xalyqaralyq uıymdardyń ókilderimen kezdesti. Memleket basshysy "EAEO-ShYU-EO" yntymaqtastyǵyn damytý qajettigin jetkizdi.  Sondaı-aq, Prezıdent MAGATE-nyń ýran banki ashylatyn kúndi jarııalady.