Katar QR aýyldyq jerlerinde medıtsınalyq klınıkalar salý múmkindigin qarastyrýǵa ázir
Taraptar qor qarajaty esebinen Astanada Sheıh Tamım ben Hamad Ál-Tanı atyndaǵy orta mektep qurylysynyń jobasyn iske asyrý barysyn talqylady.
M. Ál-Shahýanıdiń aqparatyna sáıkes Katar qory men Astana qalasynyń ákimdigi qazirgi ýaqytta tyǵyz baılanysta jumys istep, qurylys jumysyn jedeldetip bastaý úshin josparly jumystar júrgizip jatyr.
Áńgimelesýshiniń budan buryn Qordyń qatysýy týraly, Qazaqstandaǵy basqa da mańyzdy áleýmettik jobalarǵa qol jetkizilgen ýaǵdalastyǵyn nazarǵa alyp, Elshi A. Shoqybaev katar tarapyna elimizdiń aýyldyq óńirlerinde zamanaýı klınıkalardy salýdy ınvestıtsııalaý múmkindigin qaraýdy usyndy.
Qordyń atqarýshy dırektory Qazaqstannyń Katardyń syrtqy saıası basymdyqtarynda erekshe orny bar ekenin, osyǵan baılanysty Qor Astanamen yntymaqtastyqty keńeıtýge, barynsha mańyzdy áleýmettik jobalardy qaraýǵa ázir ekendigin málimdedi.