Qatar korporatsııasy Qazaqstannyń iri qara mal sharýashalyǵyna ınvestıtsııa salýǵa daıyn

ASTANA. QazAqparat – Qatar korporatsııasy Qazaqstannyń iri qara mal sharýashalyǵyna ınvestıtsııa salýǵa daıyn. Bul týraly QR Premer-Mınıstriniń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Qatardyń Hassad Food degen úlken agrokorporatsııasy bar. Ol bizden qoı etin satyp alady. Al Baladna korporatsııasy (Qatardyń iri qara mal sharýashylyǵymen jáne sút ónimderin óndirýmen aınalysatyn kompanııasy) Qazaqstanǵa iri qara mal sharýashylyǵyna ınvestıtsııa salýǵa daıyn. Qarjy salasynda Astana halyqaralyq qarjy ortalyǵymen birqatar jumys isteldi. Olar qazir bırjaǵa kirip jatyr. Jalpy, biraz salada qarym-qatynasymyz, yntymaqtastyǵymyz damyp keledi», - dedi ol Aqordada BAQ ókilderiniń saýalyna oraı.

Aıta keteıik, Aqordada Memleket basshysy Qasym-Jomart Toqaev memlekettik saparmen kelgen Qatar Ámiri sheıh Támım ben Hamad Ál Tánıdi qarsy aldy.

https://kaz.inform.kz/news/akordada-katar-amirin-saltanatty-karsy-alu-sharasy-otti_a3989465

Aqorda ótip jatqan kelissózderdiń qorytyndysynda eki eldiń arasynda metrologııa jáne sertıfıkatsııa, saýda-ekonomıkalyq yntymaqtastyq týraly eki kelisimshartqa qol qoıylmaq.

https://kaz.inform.kz/news/katarga-eksport-kolemin-70-mln-dollarga-zhetkizuge-bolady-zhumangarin_a3989489