Katar koroldigi otbasynyń urlanǵan múshesi bosatyldy
ASTANA. QazAqparat - Katar bıligi ótken jyldyń jeltoqsan aıynda Irakta ańshylyqqa shyǵý kezinde urlanǵan Katardaǵy koroldik otbasy múshesiniń bosatylǵany týraly habarlady.
Sondaı-aq týra sol ýaqytta urlanǵan Pákistan azamaty bosatyldy.
Katar Syrtqy ister mınıstrliginiń málimetterinshe, el bıligi urlanǵan taǵy 26 azamatynyń bosatylýy úshin áreket jasap otyr.
Oqıǵa 16 jeltoqsanǵa qaraǵan túni Saýd Arabııasymen shekaraǵa jaqyn jerde oryn alǵan: áskerı kıim kıgen, qarýlanǵan belgisiz adamdar Nadjaf shólindegi ańshylar lagerine shabýyl jasap, kem degende 28 adamdy urlap áketti, solardyń kóbi - Katar azamattary.
Buǵan deıin Katar bıligi urlanǵandardyń arasynda koroldik otbasynyń músheleri bolǵanyn málimdegen bolatyn, dep habarlaıdy Bı-bı-sı.
