Qatar Izraıl shabýylynan keıin shuǵyl sammıt ótkizbekshi
ASTANA. KAZINFORM – Qatar Izraıldiń Doha qalasyna jasaǵan soqqysyna qarsy áreket sharalaryn talqylaý úshin shuǵyl arab-ıslam sammıtin ótkizbekshi.
Eldegi QNA agenttiginiń habarlaýynsha, jeksenbi men dúısenbide ótetin jıyn HAMAS basshylarynyń ómirin qıǵan shabýyldyń saldaryn talqylaýǵa arnalyp otyr.
Sammıtke arab álemi men ıslam elderi qatysady dep kútilip otyr.
Arab lıgasynyń ókili Djamal Roshdıdiń paıymdaýynsha, sammıttiń shuǵyl ótýi Izraıldiń Qatarǵa shabýylyna arab jáne ıslam álemi qalaı den qoıǵanyn kórsetedi.
Seısenbide Izraıl Gaza sektorynyń basshysy Halıl Ál-Haııa bastaǵan HAMAS basshylarynyń kezdesýinde áýe shabýylyn jasaǵan edi. HAMAS tarapy Izraıl jasaǵan shabýyldan uıymdaǵy jetekshi oryndarda otyrǵan basshylardyń eshbiri qaza tappaǵanyn málimdep úlgerdi.
Qatardyń premer-mınıstri sheıh Muhammed ben Abdýlrahman Ál Tánı ol soqqyǵa jaýap bolatynyn ýáde etti.
أرحب بأخي سمو الشيخ محمد بن زايد آل نهيان في زيارته الأخوية التضامنية، والتي بحثنا خلالها تداعيات الاعتداء الإسرائيلي السافر على سيادة بلادنا وأمن المنطقة، وجددنا إدانتنا لهذا الانتهاك الخطير لكل الأعراف والقوانين الدولية، والذي يستدعي تكاتف الجهود الدولية لوضع حد لهذا السلوك… pic.twitter.com/s7F0vGuDYP
— تميم بن حمد (@TamimBinHamad) September 10, 2025
Aıtýynsha, Doha aımaqtaǵy odaqtastarymen birge ortaq jaýap ázirleıdi. Onyń ishinde Izraıldi sot tóreligi arqyly qýdalaý sharalary da bar.
Ál Tánı Dohaǵa jasalǵan shabýyl úshin Izraıl premer-mınıstri Bınıamın Netanıahý jaýapqa tartylýy kerek.
Dıplomattar arasynda shuǵyl sammıt qandaı qujatty qaraıtynyn týraly áńgime qyzý talqylanyp jatyr. Saýd Arabııasy men mysyr bastamasymen ázirlengen «birlesken jol kartasy» osy jıynda tanystyrylýy múmkin ekeni aıtylyp jatyr.
Vashıngtondaǵy kezdesý
Sammıtke daıyndyq kezinde qatar premer-mınıstri AQSh astanasynda bolyp, kezdesýler ótkizdi. Juma kúni ol Aq úıde memlekettik hatshy Marko Rýbıomen júzdesken.
Politico jáne Axios basylymdarynyń málimeti boıynsha, Ál Tánı Donald Tramppen, vıtse-prezıdent Djeı Dı Venspen, arnaıy elshi Stıvom Vıtkofpen kezdesedi.
Kelissózder kezinde Dohaǵa jasalǵan shabýyldyń saldary, Gazadaǵy atysty toqtatý máseleleri talqylanbaq.
Eske salsaq, Donald Tramp Izraıldiń Qatarǵa soqqy jasaǵanyna «qatty ókinetinin» bildirgen edi.