Katar ıtalıandyq Sardınııa týrızmine 1 mlrd evro mólsherinde ınvestıtsııa quıady
ASTANA. 5 aqpan. QazAqparat - Qatar Holding kompanııasy Italııanyń Sardınııa aralyndaǵy týrıstik sektorǵa 1 mlrd eýro (1,35 mlrd dollar) mólsherinde ınvestıtsııa quıýǵa nıet tanytyp otyr.
Bul jaıynda Arabian Business agenttigi ASNAmed jańalyqtar qyzmetine silteme jasaı otyryp, habar taratty.
muslim.kz saıtynyń jazýynsha, atalmysh kompanııa Kosta Smeralda jaǵynan tórt birdeı záýlim qonaq úı salýdy kózdep otyr. Bul - osy araldyń týrıstik áleýetin eki ese kóterip, 900 orynǵa deıin týrıst qabyldaýǵa múmkindik beretin úlken joba. Sondaı-aq, kompanııa 150 orynǵa shaqtalǵan, al otbasymen keletinder úshin 200 oryn qarastyrylǵan Harrods Hotel qonaq úıiniń qurylysyn da qolǵa almaq. Munymen ǵana shektelip qalmaı, Liscia Ruja qoryǵynyń aýmaǵynda sý saıabaǵyn salýdy da josparlap otyr. Bul saıabaqta qorshaǵan ortaǵa zııany joq, Go-Kart elektrli kartamen tóńirekti tamashalaýǵa múmkindik beretin marshrýt týrısterge qyzmet kórsetetin bolady. Sonymen qatar, joldardy, sý qubyrlary men káriz júıesin keńeıtýdi de oılastyryp otyrǵan kórinedi.
