Qatar ınvestorlary Qazaqstanda astyq óńdeý zaýytyn salýǵa nıetti

ASTANA. QazAqparat – Bıyl Qazaqstanda aýyl sharýashylyǵy salasynda 290 jobany iske asyrý josparlanyp otyr. Bul týraly Aýyl sharýashylyǵy mınıstri Erbol Qarashókeev málimdedi, dep habarlaıdy QazAqparat tilshisi.

Astana halyqaralyq forýmy aıasynda BAQ ókilderi Aýyl sharýashylyǵy mınıstrine Qatar ınvestorlarlarynyń Qazaqstanda astyq óńdeý zaýytyn salý nıetine qatysty suraq qoıdy.

«Iá, qazir biz kelssóz júrgizip jatyrmyz. Bizde mundaı ınvestorlar kóp», - dep jaýap berdi Erbol Qarashókeev.

Sonymen qatar, mınıstr ótken jyly aýyl sharýashylyǵy salasynda 200 mlrd dollardan astam somaǵa baǵalanǵan 270 joba bastalǵanyn aıtty.

«Bıyl 290 joba josparda bar. Olar shıkizat óndirý jáne azyq-túlik, aýyl sharýashylyǵy ónimderin tereń óńdeý baǵytyndaǵy jobalar. Jumys jalǵasýda», - dedi Erbol Qarashókeev.

Eske sala keteıik, búgin elordada Astana halyqaralyq forýmy ótip jatyr. Oǵan Memleket basshysy Qasym-Jomart Toqaev, Qyrǵyzstan Prezıdenti Sadyr Japarov, Bosnııa jáne Gertsegovına prezıdıýmynyń tóraǵasy Jelka Tsvııanovıch, Ózbekstan Premer-mınıstri Abdýlla Arıpov, ıÝNESKO bas dırektory Odre Azýle, Halyqaralyq valıýta qorynyń basqarýshy dırektory Krıstalına Georgıeva qatysýda.