Katar fýtboldan álem chempıonatyn ótkizý úshin júzdegen mlrd dollar jumsady
2010 jyly FIFA halyqaralyq fýtbol federatsııasy Katarǵa 2022 jylǵy álem chempıonatyn ótkizý quqyǵyn berdi, sodan beri uıymdastyrýshylar bıylǵy 20 qarashada bastalatyn týrnırge daıyndalý úshin júzdegen mıllıard dollar jumsaǵan.
«Biz álem chempıonatyn ótkizý qurmetin jeńip alǵannan beri Katar eshbir qabyldaýshy el basynan ótkerip kórmegen synǵa ushyrady», - dedi sheıh Tamım.
«Alǵashqyda biz bul syndardy durys qabyldap, tipti keıbirin oń jáne paıdaly dep sanadyq, bul bizge damýdy qajet etetin baǵyttardy qalyptastyrýǵa kómektesti», - dedi ol. «Biraq kóp uzamaı bizge bul synaý naýqanynyń uzaqqa jalǵasyp, órship, burmalaýshylyqqa ulasyp bara jatqany baıqaldy. Bul ókinishke oraı kópshilikti osy naýqannyń naqty sebepteri týraly oılaýǵa májbúr etti», - dep qosty Katar kóshbasshysy.
Sońǵy jyldary adam quqyqtaryn qorǵaý uıymdary álem chempıonatynyń stadıondaryn salyp jatqan eńbek mıgranttarynyń qııanatqa ushyraýy týraly kóp habarlaǵan. Mamyr aıynda Human Rights Watch jáne Amnesty International basqa segiz uıymmen birge Dj.Infantınoǵa hat joldap, FIFA men Katardy álem chempıonatyna daıyndyq kezinde qaza tapqan jumysshylardyń otbasylaryna ótemaqy tóleýge shaqyrdy. «Biz bul synaqty óz áleýetimizge, ıaǵnı katarlyqtar, qıyndyqqa tótep berip, tabysqa jetýge sengendikten qabyldadyq», - dedi ol. Álem chempıonaty kezinde Katarǵa 1,2 mıllıon adam keledi dep boljanyp otyr.
FIFA prezıdenti Djannı Infantıno Taıaý Shyǵysta alǵash ret ótetin aldaǵy Álem chempıonaty «tarıhtaǵy buryn bolmaǵan» chempıonat bolatynyn aıtty. 2020 jyldyń tamyzynda Katar óziniń eńbek zańnamasyna mańyzdy ózgerister engizetinin jarııalady. Bul ózgerister qatarynda jumysshylardy ystyqtan qorǵaý erejeleri men eń tómengi aılyq jalaqy 1000 rıal (129 000 teńge) boldy.
Foto: AlJazeera
