Qatar damymaǵan elderge kómek retinde $60 mln bóledi
DOHA. TASS-QazAqparat – Qatar eń az damyǵan elderge arnalǵan Doha baǵdarlamasyn qoldaýǵa $60 mln bóledi. Bul týraly Qatar ámiri sheıh Támım ben Hamad Ál Tánı málimdedi, dep habarlaıdy QazAqparat TASS agenttigine silteme jasap.
«Men jalpy somasy 60 mln dollar qarjylaı qoldaý kórsetiletinin resmı málimdeımin, onyń ishinde eń az damyǵan elderge arnalǵan Doha is-qımyl baǵdarlamasynyń is-sharalaryn júzege asyrýǵa $10 mln jáne baǵdarlama josparlaǵan nátıjelerdi qoldaý men az damyǵan elderdiń turaqtylyǵyn arttyrýǵa 50 mln dollar bólinedi», - dedi Qatar ámiri Dohada ótken Az damyǵan elder boıynsha BUU-nyń Besinshi ashyq konferentsııasynda.
Sondaı-aq, ol halyqaralyq qaýymdastyqty Qatardan úlgi alýǵa, Doha baǵdarlamasyn júzege asyrýdy qoldaý úshin «bastama kóterýge» shaqyryp, muny az damyǵan elderdiń halqy aldyndaǵy «gýmanıtarlyq paryz» dep atady.
Doha is-áreket baǵdarlamasy – 2022 jyldyń naýryzynda kelisilgen az damyǵan elderdi damytýǵa arnalǵan jol kartasy. Onda negizgi alty baǵyt kórsetilgen: kedeılikti joıý; ǵylym, tehnıka men ınnovatsııa áleýetin paıdalaný; qurylymdyq ózgeristerdi qoldaý; halyqaralyq saýda men óńirlik ıntegratsııany damytý; klımattyń ózgerýi men pandemııadan keıin qalpyna keltirýge baılanysty is-sharalar qabyldaý; halyqaralyq yntymaqtastyqty iske qosý.
