Qatar damý qory «Ábý Nasr ál-Farabı» meshitin jóndeýge 8 mln dollar bóledi

ASTANA. KAZINFORM — Qatar damý qory «Ábý Nasr ál-Farabı» meshitiniń jóndeý jáne keńeıtý jumystaryna 8 000 000 AQSh dollaryn bóledi. Bul týraly QMDB baspasóz qyzmeti habarlady.

QMDB tóraǵasy, bas múftı Naýryzbaı qajy Taǵanulynyń Qatarǵa resmı sapary barysynda Qatar damý qorynyń bas dırektory Fahd bın Hamad Ás-Sýláıtımen kezdesý ótti. 

— Kelissóz nátıjesinde qor Astanadaǵy «Ábý Nasr ál-Farabı» meshitin jóndeý, qalpyna keltirý, keńeıtý jáne rýhanı-mádenı ortalyq salý jobasyna 8 000 000 AQSh dollary qarjy bólýge kelisti. 

Qurylys jumystary qordyń baqylaýymen júrgizilip, tolyq aıaqtalǵan soń QMDB-ǵa tabystalady, — delingen habarlamada.

Aıta ketelik Qazaqstanda meshitterdi kim salady jáne kim qarjylandyratyny týraly jazǵan edik.