Katar azamattary Qazaqstannan 29 suńqardy alyp shyqpaq bolǵan
ASTANA. QazAqparat - Qazaqstandyq shekarashylar 29 suńqar qusyn elden alyp shyqpaq bolǵan katarlyqtardyń jolyn kesti, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.
«Almaty» Halyqaralyq áýejaıynyń ótkizý pýnktinde shekarashylar «Doha - Almaty» reısimen ushpaq bolǵan Katardyń eki azamatyn ustady. Sheteldikter qustardy tıisti qujattarsyz alyp ótpek bolǵan.
Kólik quralyn jáne júkterdi qosymsha tekserý kezinde qazaqstandyq shekarashylar júktiń tirkelgendigi týraly bırkalar men plomba salynbaǵan 15 aǵash jáshikti anyqtady. Olardyń ishinen joıylýdyń az-aq aldynda turǵan 29 suńqar qusy tabyldy.
Ustaý faktisi boıynsha QR Aýyl sharýashylyǵy mınıstrligi veterınarlyq baqylaý jáne qadaǵalaý komıtetiniń aýmaqtyq ınspektsııasynyń jáne tıisti quqyq qorǵaý organdarynyń ókilderine habar berildi.
Eske sala keteıik, ótken demalys kúnderi Reseı azamaty shekara arqyly 12 kógershindi ruqsattama qujatynsyz áketpek bolǵan jerinen ustalǵan bolatyn.
