Qatar áskerı-áýe kúshteri Irannyń eki Sý-24 ushaǵyn atyp túsirdi
ASTANA. KAZINFORM – Qatardyń qorǵanys vedomstvosy qaýiptiń anyqtalǵan sátinen bastap dereý joıylǵanyn málimdedi, dep habarlaıdy Kazinform agenttiginiń menshikti tilshisi.
— Qatar Memleketiniń Qorǵanys mınıstrligi Ámirdiń áskerı-áýe kúshteri Iran aýmaǵynan jaqyndaǵan eki Sý-24 ushaǵyn atyp túsirgenin habarlaıdy, — delingen resmı málimdemede.
Al Jazeera málimetinshe, atyp túsirilgen Sý-24 ushaqtary Iranǵa tıesili bolǵan.
Qatar Qorǵanys mınıstrligi sondaı-aq el aýmaǵyndaǵy túrli nysandarǵa baǵyttalǵan jeti ballıstıkalyq zymyran men bes dronnyń joly kesilgenin habarlady. Vedomstvo qarýly kúshterdiń el egemendigin qorǵaýǵa jáne syrtqy qaýip-qaterlerge qatań jaýap berýge barlyq múmkindigi bar ekenin atap ótti.
Buǵan deıin Qatardyń memlekettik munaı-gaz kompanııasy dron shabýyldarynyń saldarynan suıytylǵan tabıǵı gaz óndirisi ýaqytsha toqtatylǵanyn málimdegen bolatyn.