18:38, 03 Shilde 2024 | GMT +6
Qatar Ámiri ShYU sammıtine qatysý úshin Astanaǵa keldi
ASTANA. KAZINFORM — Sheıh Támım ben Hamad Ál Tánıdi elordadaǵy áýejaıda Qazaqstan Premer-Mınıstri Oljas Bektenov qarsy aldy.
Qatar memleketi ShYU dıalogy boıynsha áriptes mártebesine ıe.
Tıisti memorandýmǵa 2022 jyly Tashkentte qol qoıyldy.
Byltyr Qazaqstan men Qatar dıplomatııalyq qatynastarynyń ornaǵanyna 30 jyl toldy.
Qatar — Qazaqstannyń Arab álemindegi mańyzdy saıası ári ekonomıkalyq seriktesi.
2023 jyldyń qorytyndysy boıynsha elder arasyndaǵy taýar aınalymy shamamen 50%-ǵa ósti.
Joǵary deńgeıde qoıylǵan mindetke sáıkes eki memlekettiń úkimetteri ózara saýda kólemin $500 mln-ǵa deıin ulǵaıtý baǵytynda jumys isteýde.
