Qatar Ámiri Tamım ben Hamad Ál Tanı Máskeýge keldi
MÁSKEÝ.KAZINFORM - Qatar Ámiri Tamım ben Hamad Ál Tanı Reseıge resmı saparmen keldi, dep habarlaıdy Kazinform menshikti tilshisi Reseıdiń buqaralyq aqparat quraldaryna silteme jasap.
Eki el basshylarynyń kezdesýi búginge josparlanǵan.
Kremldiń baspasóz qyzmeti buǵan deıin memleket basshylary saýda-ekonomıkalyq jáne gýmanıtarlyq salalarǵa basa nazar aýdara otyryp, ekijaqty yntymaqtastyq máselelerin, sondaı-aq halyqaralyq kún tártibindegi negizgi taqyryptardy talqylaıtynyn habarlaǵan.
Buǵan deıin Reseı prezıdentiniń baspasóz hatshysy Dmıtrıı Peskov prezıdent Vladımır Pýtın men Qatar Ámiri Tamım ben Hamad ál-Tanı Reseıge sapary barysynda Ýkraına men Taıaý Shyǵystaǵy jaǵdaı týraly pikir almasatynyn aıtqan.
Qatar álemdegi kóptegen jaǵdaılardy retteýge degen umtylys boıynsha úlken ári mańyzdy ról atqarady.
Qatar Syrtqy ister mınıstrliginiń baspasóz hatshysy Madjıd ál-Ansarı Qatar Ýkraınadaǵy qaqtyǵysty sheshýge kúsh sala alatyn kez kelgen róldi quptaıtynyn aıtty.
Osyǵan deıin HAMAS bitimgershilik kelissózin jalǵastyrý úshin Qatarǵa delegatsııa jibergeni týraly jazdyq.