Qatar ámiri premer-mınıstrdiń otstavkasyn qabyldady
ASTANA. QazAqparat – Qatar ámiri sheıh Tamım ben Hamad Ál-Tanı seısenbide Haled ben Halıfa Ál-Tanıdiń otstavkaǵa ketý týraly ótinishin qabyldady, dep habarlaıdy QazAqparat TASS agentigine silteme jasap.
Qatar aqparat agenttiginiń málimetinshe, Syrtqy ister mınıstri Muhammed ben Abdel Rahman Ál Tanı Úkimettiń jańa basshysy bolyp taǵaıyndaldy. Agenttik mundaı ózgeristerdiń sebebi týraly aqparat bermeıdi.
Haled ben Halıfa ámirdiń 2020 jylǵy 28 qańtardaǵy Jarlyǵymen Qatardyń Premer-Mınıstri jáne Іshki ister mınıstri bolyp taǵaıyndaldy. Atalǵan laýazymǵa ol 2013 jyldan beri ámirlik kabınetin basqaryp kelgen sheıh Abdalla ben Naser ben Halıfa Ál Tanıdiń ornyna keldi.
Qatardyń jańa premer-mınıstri Muhammed ben Abdel Rahman óziniń saıası mansabyn 2003 jyly otbasy isteri keńesinde ekonomıkalyq máseleler jónindegi dırektor retinde bastady. 2013 jyldan bastap Syrtqy ister mınıstriniń halyqaralyq yntymaqtastyq máseleleri jónindegi kómekshisi qyzmetin atqardy. 2016 jyly ol ámirliktiń syrtqy saıasat vedomstvosynyń basshysy jáne Premer-Mınıstrdiń orynbasary boldy.
