Katar ámiri Qazaqstanǵa saparmen keledi
«Bizdiń otyrysymyz basty sıpatqa ıe. Óıtkeni, ol Uly mártebeli Katar ámiri – sheıh Tamım ben Hamad ál-Tanıdiń Qazaqstanǵa sapary qarsańynda ótip otyr. Osynaýb asty shara eki eldiń qarym-qatynasyn jandandyrýǵa qýatty serpin berýge qyzmet etip, halyqtarymyz arasyndaǵy dostyq baılanysty kórsete túsedi. Biz úshin bul zor mártebe ári joǵary deńgeıdegi jaýapkershilik», - dedi búgin Qazaqstan-Katar joǵary deńgeıdegi birlesken komıssııasynyń 5-otyrysyn ashqan Rýslan Dálenov.
Qazaqstan mınıstriniń aıtýynsha, ótken jyly ekijaqty ózara is-qımyl úshin nátıjeli boldy. Atap aıtqanda, 2019 jyldyń maýsymynda eki eldiń basshylary AÓІSShK sammıti alańynda júzdesti. Qyrkúıekte birqatar parlamentaralyq kezdesýler bolsa, qarashada QR Prezıdenti Ákimshiliginiń basshysy bastaǵan qazaqstandyq delegatsııa Katarǵa saparlady. Sol kezde Qazaqstan men Katardyń jaýapty vedomstvolary arasyndaǵy birlesken jumystyń oń serpini atalyp ótildi.
«Tek sońǵy birneshe aıdyń ishinde ǵana Qazaqstan basshylyǵy elderimiz arasyndaǵy yntymaqtastyqty keńeıtýge baǵyttalǵan mańyzdy sharalar keshenin qabyldady. Sóz Katar azamattaryn 2019 jyldyń 1 qazanynan vızalyq talaptaryn jeńildetý, áýe qatynasy týraly memorandýmǵa qol qoıý jaıynda bolyp otyr. Memorandýmǵa sáıkese, «Qatar Airways» kompanııasy Nur-Sultan men Almaty qalalaryna aptasynda 7 jolaýshylar reısin, sondaı-aq Doha men Almaty arasynda 7 júk reısin oryndaı alady. Osy oqıǵalardyń barlyǵy da san qyrly yntymaqtastyqty tereńdetýge eki jaqtyń da umtylysyna dálel bola alady», - dedi ol.
