Katar AQSh-tan 12 mlrd dollarǵa joıǵysh ushaqtar satyp almaqshy - BAQ
ASTANA. QazAqparat - Katar amerıkalyq McDonnel Douglas F-15 Eagle joıǵyshyn 12 mlrd dollarǵa satyp almaqshy. Bul týraly sársenbi kúni Reuters agenttigi málimdedi, dep habarlaıdy TASS.
Agenttiktiń málimdeýinshe, arab memleketiniń qorǵanys mınıstrliginde AQSh Pentagonynyń basshysy Djeıms Mettıs jáne Katar ókilderi sársenbi kúni kezdesip, ekijaqty kelisimge qol qoıýǵa tıis bolǵan.
Óz kezeginde ámirlik ókilderi 36 ushaqqa qol jetkizbek. Ótken jyldyń 18 qarashasynda Katarǵa 21,1 mıllıard dollar turatyn F-15QA markaly 72 joıǵysh ushaq, túrli qosalqy bólshekter men qarý-jaraqtar satylatyndyǵy málim boldy.
McDonnel Douglas F-15 Eagle - Amerıkada shyǵarylatyn aýa raıyn talǵamaıtyn tórtinshi býynnyń taktıkalyq joıǵyshy. Ony McDonnell Douglas kompanııasy 1970 jyldyń birinshi jartysynda jasap shyǵardy. Onyń ár túrinen barlyǵy 1200 dana shyǵarylǵan.
