Qatar-2022: Toptyq kezeńde qansha penaltı belgilendi
Álem chempıonatyna barlyǵy 850-den astam fýtbolshy keldi. Qazirge deıin olardyń arasynan 653-i jasyl alańǵa shyǵyp úlgerdi.
*Fýtbolshylardyń 246-sy óz quramasy sapynda úsh kezdesýge de qatysty. Al, 117-si eshqandaı almaspaı, 270 mınýtty túgeldeı oınady.
*Quramadaǵy áriptesterine golǵa aınalǵan pas shyǵarý jóninen anglııalyq Garrı Keın kósh bastap tur. Ol úsh oıynda úsh márte quramadaǵy áriptesine pas shyǵaryp, ol golǵa aınaldy. Odan keıingi oryndarda portýgalııalyq Brýný Fernashdesh, frantsııalyq Teo Fernandes sekildi jeti fýtbolshy eki márte pas berdi. Jalpy, nátıjeli pas bergen 77 fýtbolshy bar.
*Al, gol soǵý jáne pas berý jóninen ıspanııalyq Alvaro Morato men frantsııalyq Kılıan Mbappe birinshi orynda keledi. Olar úsh márte gol soǵyp, bir márte nátıjeli pas berdi. Al, portýgalııalyq Brýný Fernandesh qaqpany eki márte dál kózdep, eki márte netıjeli pastyń avtory boldy.
*Toptyq kezeńde ázirge germanııalyq qaqpashy Manýel Noıer men marokkolyq qorǵaýshy Naıf Ager óz qaqpalaryna gol soǵyp aldy.
*Qazirge deıin qarsylastar qaqpasyna 14 penaltı belgilendi. Onyń 5-ein qaqpashylar qaıtaryp úlgerdi. Argentınalyq Leoenl Messı eki márte penaltı oryndap, bireýin soǵa alǵan joq. Condaı-aq, gol soǵa almaǵan fýtbolshylar qatarynda portýgalııalyq Brýný Fernandesh, kanadalyq Alfonso Devıs, ganalyq Andre Aııý, polshalyq Robert Levandovskı, Saýd Arabııasynan Salem Al-Davsarı bar.
*Toptyq kezeńde 154 fýtbolshyǵa qyzyl jáne sary qaǵaz kórsetildi. Olardyń arasynan ýelstik qaqpashy Ýeın Hennessıge dóreki qımylyna baılanysty birden qyzyl qaǵaz berildi.
Eske salsaq, surmergender kóshin úsh golmen bes fýtbolshy bastap tur.
Sondaı-aq, budan buryn Belgııa qaqpashysy Tıbo Kýrtýa ulttyq qurama sapyndaǵy 100-shi oıynyn ótkizdi.
Al, Saýd Arabııasy quramasy álem chempıonaty toptyq kezeńiniń antırekordyn tirkedi.
Foto: AFP
