Qatar-2022: Surmergender kóshin úsh golmen bes fýtbolshy bastap tur

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda toptyq kezeńinen keıin surmergender kóshin úsh gol soqqan bes fýtbolshy bastap tur, dep habarlaıdy QazAqparat tilshisi.

Dúbirli dodada qazirge deıin barlyǵy 90 fýtbolshy gol soǵyp úlgerdi. Olardyń arasynan anglııalyq Markýs Rashford, ıspanııalyq Alvaro Morata, frantsııalyq Kılıan Mbappe, nıderlandtyq Kodı Gakpo jáne ekvadorlyq Enver Valensııa úsh márte qaqpany dál kózdedi.

Al 18 fýtbolshy eki goldan soqsa, qalǵany ázirge bir ǵana márte mergendik tanytty.

Eske salsaq, budan buryn Belgııa qaqpashysy Tıbo Kýrtýa ulttyq qurama sapyndaǵy 100-shi oıynyn ótkizdi.

Sondaı-aq, Saýd Arabııasy quramasy álem chempıonaty toptyq kezeńiniń antırekordyn tirkedi.