Qatar-2022: Nıderland quramasynyń shabýylshysy óz eliniń rekordyn ornatty

ASTANA. QazAqparat – Qatarda fýtboldan ótip jatqan álem chempıonatynda Nıderland quramasynyń shabýylshysy Kodı Gakpo óz eliniń rekordyn ornatty, dep habarlaıdy QazAqparat tilshisi.

K.Gakpo álem chempıonatynyń bastapqy úsh matchynda gol soqqan alǵashqy nıderlandylyq oıynshy atandy.

Kodı Gakpo Senegalmen, Ekvadormen jáne Qatarmen ótken kezdesýlerde esep ashty. Sóıtip óz komandasynyń A tobynan birinshi orynmen pleı-ofqa shyǵýyna súbeli úlesin qosty.

Sonymen qatar Gakpo Nıderland quramasynyń tarıhynda dúnıejúzilik birinshilikte qatarynan úsh oıynda gol soqqan tórtinshi fýtbolshy boldy. Budan buryn mundaı tabysqa Iohan Neskens (1974), Dennıs Bergkamp (1994) jáne Ýeslı Sneıder (2010) jetken edi.

Eske sala keteıik, budan buryn Shveıtsarııany utqan Brazılııanyń pleı-off kezeńine joldama alǵanyn jazǵan bolatynbyz.

Sondaı-aq bir matchta eki gol soqqan ońtústikkoreıalyq fýtbolshy rekord ornatty.

Portýgalııa Frantsııa men Brazılııadan keıin pleı-off kezeńine shyqty.

A tobynan Nıderland birinshi orynmen pleı-off satysyna shyqty.

Ekvadordy joldan taıdyrǵan Senegal pleı-ofqa shyqty.