Qatar-2022: Messı álem chempıonatynda gol salý jóninen Peleni qýyp jetti

ASTANA. QazAqparat – Argentına quramasynyń kapıtany Lıonel Messı álem chempıonatynda gol salý jóninen Peleni qýyp jetti, dep habarlaıdy QazAqparat tilshisi.

Frantsııamen ótip jatqan fınaldyq matchtyń 23-mınýtynda Messı 11 metrlik aıyp dobyn dál oryndap, esep ashty.

Bul onyń álem chempıonatyndaǵy 12-inshi goly edi. Bul jóninen Messı fýtbol koroli Peleni qýyp jetti.

Messı osy birinshilikte altynshy golyn soǵyp, jekedara mergender kóshin bastady.

Eske sala keteıik, budan buryn Horvatııa quramasy qaqpashysynyń soqqyny qaıtarý jóninen úzdik atanǵanyn jazǵan bolatynbyz.

Sondaı-aq Messı álem chempıonattarynyń rekordyn ornatty.