Qatar-2022: Meksıka quramasynyń bas bapkeri qyzmetinen ketti
FOX Soccer saıtynan alynǵan málimetke qaraǵanda, bapker Saýd Arabııasymen ótken matchtan keıin qyzmetten ketetinin málimdegen.
Meksıkalyqtar saýdııalyqtardy 2:1 esebimen jeńgenimen, pleı-ofqa shyǵa almady.
«Tóreshi ysqyryǵy shalynǵannan keıin meniń kelisimshartym aıaqtaldy, buǵan eshteńe isteı almaısyń. Birinshi kezekte komandanyń osyndaı oıynyna men jaýaptymyn», - dedi Martıno.
S tobynan Argentına men Polsha kelesi kezeńge ótti. 3 jeltoqsan kúni Argentına Aýstralııamen, 4-inde Polsha Frantsııamen ¼ fınaldyń joldamasyn sarapqa salady. Meksıkamen birge Saýd Arabııasy da pleı-off kezeńinen tys qaldy.
Eske sala keteıik, budan buryn Krıshtıaný Ronaldýdyń saýdııalyq «Al-Nasr» klýbyna aýysýy múmkin ekendigin jazǵan bolatynbyz.
Sondaı-aq Frantsııa shabýylshysy Kılıan Mbappe Týnıspen oıynǵa qatyspaýy múmkin.
Týnısten utylǵan Frantsııa óz tobynda birinshi orynǵa ıe boldy.
Álem chempıonattarynda match ótkizý jóninen Messı Maradonanyń rekordyn jańartty.
Argentına óz tobynan birinshi orynmen pleı-ofqa ótti.
Foto: mlssoccer.com
