Qatar-2022: Kosta-Rıka Japonııadan basym tústi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń E tobynda Kosta-Rıka Japonııadan basym tústi, dep habarlaıdy QazAqparat tilshisi.

Alǵashqy týrda Japonııa quramasy Germanııany 2:1 esebimen jeńse, Kosta-Rıka Ispanııaǵa 0:7 esebimen utyldy.

Eki qurama buǵan deıin tórt márte kezdesti. Onyń úsheýinde japonııalyqtar jeńiske jetse, bir kezdesý teń nátıjemen aıaqtaldy.

Kezdesý barysynda japonııalyq fýtbolshylar belsendi qımyl kórsetti. Olar jeńiske jetken jaǵdaıda pleı-off satysyna joldamaǵa qol jetkizetin edi. Osyny túsingen japondyqtar qarsylastar qaqpasynan sańylaý tabýǵa tyrysty.

Degenmen, olardyń múmkindigi bolǵan joq. Esesine, oıynnyń 81-mınýtynda kosta-rıkalyq Keısher Fýller gol salyp ketti.

Osylaısha, Kosta-Rıka qarsylasynan 1:0 esebimen basym tústi.

Atalǵan toptaǵy Ispanııa men Germanııa kezdesýi búgin elorda ýaqytymen 1:00-de«Qazaqstan» men «Qazsport» telearnalarynan tikeleı efırde kórsetiledi.

Sondaı-aq, búgin F tobyndaǵy Belgııa men Marokko kezdesýi 19:00-de «Qazsport», 22:00-de Horvatııa men Kanada oıyny «Qazaqstan» men «Qazsport» telearnalarynan tikeleı efırde kórsetiledi.

Aıta ketsek, ekinshi týrda S tobynda Polsha Saýd Arabııasyn, Argentına Meksıkany tize búktirdi.

Eske salsaq, D tobynda ekinshi týrda Frantsııa quramasy Danııadan basym tússe, Aýstralııa Týnısti jeńip ketti.