Qatar-2022: Kılıan Mbappe segiz gol soǵyp, úzdik surmergen atandy

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda frantsııalyq Kılıan Mbappe segiz gol soǵyp, úzdik surmergen atandy, dep habarlaıdy QazAqparat tilshisi.

Frantsııalyq shabýylshy dúbirli dodada jeti oıynda 8 gol soǵyp, álem chempıonatynyń úzdik surmergeni atandy.

Ol toptyq kezeńde Avstralııaǵa (4:1) bir, Danııaǵa (2:1) eki gol soqty. Al 1/8 fınalda Polshamen (2:1) kezdesýde eki márte mergendik tanytty.

Sondaı-aq, ol búgin fınalda Argentınamen kezdesýinde taǵy úsh márte gol soqty. Osylaısha surmergender kóshinde segiz golmen jeke-dara kósh bastady.

Surmermergender kóshinde odan keıin argentınalyq Messı jeti golmen ekinshi orynda tur. Al argentınalyq Hýlıan Alvares pen frantsııalyq Olıve Jırý tórt-tórtten mergendik tanytqan.

Álem chempıonaty fınaldyq satysynda barlyǵy 115 fýtbolshy goldyń avtory atandy.

Aıta ketsek, dál qazir fınaldaǵy Argentına men Frantsııa kezdesýiniń negizgi jáne qosymsha kezeńderi aıaqtaldy. Esep 3:3. Jeńimpaz penaltı tebý arqyly anyqtalady.

Eske salsaq, qazirge deıingi 10 kezdesýdiń 7-inde Ońtústik Amerıka qurlyǵynyń ókilderi jeńiske jetse, qalǵanynda eýropalyq quramalardyń mereıi ústem boldy.

Foto:CLIVE BRUNSKILL/GETTY IMAGES