Qatar-2022: Horvatııa oıynshysy óz eliniń rekordyn ornatty

ASTANA. QazAqparat – Qatarda ótip jatqan fýtboldanı álem chempıonatynda Horvatııanyń jartylaı qorǵaýshysy Ivan Perıshıch óz eliniń rekordyn ornatty, dep habarlaıdy QazAqparat tilshisi.

I.Perıshıch 1/8 fınalda Japonııamen oıynda mergendik tanytyp, esepti teńestirdi.

Osylaısha, ol álem jáne Eýropa chempıonattaryndaǵy 10-ynshy golyn soqty. Buǵan deıin Horvatııa oıynshylarynan eshkim mundaı nátıjege jetken emes.

I.Perıshıchtiń óz kórsetkishin odan ári de jańartatyndaı múmkindigi bar. Óıtkeni penaltı serııasynda Japonııany utqan Horvatııa quramasy jarysty jalǵastyrady.

Eske sala keteıik, budan buryn Kılıan Mbappeniń álem chempıonattarynda 9 gol soqqan alǵashqy jas oıynshy atanǵanyn jazǵan bolatynbyz.

Sondaı-aq penaltı serııasynda Japonııany jeńgen Horvatııa shırek fınalǵa shyqty.