Qatar-2022: Horvatııa quramasynyń qaqpashysy soqqyny qaıtarý jóninen úzdik atandy

ASTANA. QazAqparat – Horvatııa quramasynyń qaqpashysy Domınık Lıvakovıch Qatarda ótip jatqan fýtboldan álem chempıonatynda soqqyny qaıtarý jóninen úzdik atandy, dep habarlaıdy QazAqparat tilshisi.

Qaqpashy álem birinshiliginiń jeti kezdesýinde barlyǵy 25 soqqyny qaıtardy.

Lıvakovıch osyǵan deıin kósh basynda bolǵan Polsha quramasynyń qaqpashysy Voıtseh Şensnydyń kórsetkishinen (23) asyp tústi. Biraq V.Şensny chempıonatta tórt-aq match ótkizdi.

Bes kezdesýde 18 seıv jasaǵan nıderlandylyq qaqpashy Andrıs Noppert úzdik úshtikti túıindep tur.

Búgin álem chempıonatynyń fınalynda Frantsııa men Argentına quramalary altyn úshin talasady. Degenmen bul eldiń qaqpashylary Ýgo Lorıs pen Emılıano Martınes úzdikter kórsetkishin jaqsarta qoıýy neǵaıbyl, olardyń enshisinde tıisinshe 10 jáne 5 seıvten bar.

Eske sala keteıik, budan buryn bokstan «Manchester ıÝnaıted» Nıderland quramasynyń shabýylshysy úshin 50 mln eýro tóleýge daıyn ekendigin jazǵan bolatynbyz.

Sondaı-aq Horvatııa quramasy Marokkodan basym túsip, qola júlde jeńip aldy.