Qatar-2022: Germanııa quramasy pleı-off satysyna shyǵa ala ma
Bul toptaǵy Japonııa men Kosta-Rıka kezdesýi elorda ýaqytymen 16:00-de «Qazsport» telearnasynan tikeleı efırde kórsetiledi.
Kezdesý Al-Raıan qalasyndaǵy 45032 jankúıerge arnalǵan «Ahmed bın Alı» stadıonynda ótkiziledi.
Kezdesýde anglııalyq Maıkl Olıver bas tóreshi qyzmetin atqarady. Oǵan otandastary Stıýart Bert pen Saımon Bennett kómekshilik jasaıdy. Qosalqy tóreshi - senegaldyq Magett N'Dıaıe.
Eki qurama buǵan deıin tórt márte kezdesti. Onyń úsheýinde japonııalyqtar jeńiske jetse, bir kezdesý teń nátıjemen aıaqtaldy.
Alǵashqy týrda Japonııa quramasy Germanııany 2:1 esebimen jeńse, Kosta-Rıka Ispanııaǵa iri eseppen utyldy.
Al atalǵan toptaǵy Ispanııa men Germanııa kezdesýi elorda ýaqytymen 01:00-de«Qazaqstan» men «Qazsport» telearnalarynan tikeleı efırde kórsetiledi.
Kezdesý El-Haýr qalasyndaǵy 68895 jankúıerge arnalǵan «El-Baıt» stadıonynda ótkiziledi. Bas tóreshi - nıderlandylyq Dannı Makkelı. Oǵan otandastary Hessel Stegstra men ıAn de Vrıs (Nıderlandy) kómekshilik jasaıdy. Qosalqy tóreshi - rýmynııalyq Ishtvan Kovach.
Eki qurama buǵan deıin 13 márte kezdesti. Onyń beseýinde ıspanııalyq, úsheýinde germanııalyq fýtbolshylar jeńiske jetse, qalǵan oıyn teń nátıjemen aıaqtaldy.
Sondaı-aq, búgin F tobyndaǵy Belgııa men Marokko kezdesýi 19:00-de «Qazsport», 22:00-de Horvatııa men Kanada oıyny «Qazaqstan» men «Qazsport» telearnalarynan tikeleı efırde kórsetiledi.
Aıta ketsek, atalǵan topta ekinshi týrda S tobynda Polsha Saýd Arabııasyn, Argentına Meksıkany tize búktirdi.
Eske salsaq, D tobynda ekinshi týrda Frantsııa quramasy Danııadan basym tússe, Aýstralııa Týnısti jeńip ketti.
Foto: ⓒ Ulmer/Teamfoto/Imago