Qatar-2022: Fınaldy stadıonnan argentınalyq 50 myń jankúıer tamashalaıdy

ASTANA. QazAqparat - Qatarda ótip jatqan fýtboldan álem chempıonatynyń fınalynda 50 myń argentınalyq, 6 myń frantsııalyq jankúıer keledi dep kútilýde, dep habarlaıdy QazAqparat tilshisi.

Fınalda 18 jeltoqsanda Argentına jáne Frantsııa quramalary kezdesedi.

Kezdesý Lýsaıl qalasyndaǵy 88 966 jankúıerge arnalǵan «Lýsaıl Aıkonık» stadıonynda ótedi.

Dúbirli doda barysynda óz quramasynyń árbir oıynyna argentınalyq jankúıerler kóp jınaldy. Osyndaı qoldaýdy álem chempıonaty fınalynda da jalǵastyrmaq.

Eki qurama buǵan deıin eki-ekiden álem chempıony ataǵyn jeńip alǵan. Argentınalyq fýtbolshylar 1978, 1986 jyldarda jeńimpaz tuǵyryna kóterilse, Frantsııa 1998, 2018 jyldarda bas júldege ıe boldy.

Eske salsaq, álem chempıonaty fınalynda polshalyq Shımon Martsınıak bas tóreshi qyzmetin atqarady.

FOTO: JULIAN FINNEY/GETTY IMAGES