Qatar-2022: D tobynda ekinshi joldama kimge buıyrady

ASTANA. QazAqparat – Qatarda ótip jatqan fýtboldan 2022 jylǵy álem chempıonatynda 30 qarashada D tobynda úshinshi týr oıyndary bastalady, dep habarlaıdy QazAqparat tilshisi.

Atalǵan toptaǵy eki oıyn da elorda ýaqytymen 21:00-de bastalady.

Bul topta Frantsııa alǵashqy eki týrda jeńiske jetip, pleı-off satysyna shyǵyp úlgerdi. Qalǵan úsh quramanyń da jarysty jalǵastyrýyna múmkindigi bar. Eki týrdan keıin Avstralııada - 3, Danııa men Týnıstiń - 1 upaı.

Týnıs pen Frantsııa kezdesýi «Qazaqstan» telearnasynan tikeleı efırde kórsetiledi.

Kezdesý Er-Raııan qalasyndaǵy 44 667 jankúıerge arnalǵan «Edıýkeıshn Sıtı» stadıonynda ótkiziledi. Bas tóreshi – jańazelandııalyq Mettıý Konger.

FIFA reıtınginde Týnıs - 30, Argentına 4-orynda tur.

Eki qurama buǵan deıin 4 márte kezdesti. Onyń ekeýinde teń nátıje tirkelse, qalǵanynda argentınalyqtar basym tústi.

Al, jankúıerlerdiń Aýstralııa men Danııa kezdesýin «Qazsport» telearnasynan tikeleı efırde tamashalýyna bolady.

Oıyn El-Vakra qalasyndaǵy 44 325 jankúıerge arnalǵan «El-Djanýb» stadıonynda ótkiziledi. Bas tóreshi – aljırlik Mýstafa Gorbal.

FIFA reıtınginde Avstralııa - 38, Danııa 10-orynda tur.

Eki qurama buǵan deıin 4 márte kezdesti. Onyń 2-eýinde danııalyqtar, 1-eýinde avstralııalyqtar jeńiske jetse, endi 1-inde teń nátıje tirkeldi.

Eske salsaq, Nıderland birinshi orynmen pleı-off satysyna shyqty.

FOTO: DAN MULLAN / LAURENCE GRIFFITHS/GETTY IMAGES