Qatar-2022: Avstralııa pleı-off satysyna joldama aldy

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 30 qarashada D tobynda Avstralııa jáne Danııa quramalary kezdesti, dep habarlaıdy QazAqparat tilshisi.

Atalǵan topta Frantsııa alǵashqy eki týrda jeńiske jetip, pleı-off satysyna shyǵyp úlgergen bolatyn.

Qalǵan úsh quramanyń da jarysty jalǵastyrýyna múmkindigi boldy. Dese de eki týrdan keıin 3 upaıy bar Avstralııa pleı-off satysyna shyǵýyna jaqyn turdy. Ol úshin toptyq kezeńdegi úshinshi týrda Danııadan jeńilmeýi tıis bolatyn.

Kezdesý barysynda eki qurama tarapynan gol soǵatyn sátter az kezdesken joq. Degenmen birinshi kezeńde quramalar bir-biriniń qaqpasynan sańylaý taba alǵan joq.

Ekinshi kezeńde de oıyn dál osyǵan uqsas jaǵdaıda órbigen edi. Avstralııalyq Metıý Lekı 61-mınýtta óz quramasyn alǵa shyǵardy.

Osylaısha Avstralııa qarsylasynan 1:0 esebimen basym túsip, pleı-off satysyna joldama aldy.

Avstralııa buǵan deıin bes márte álem chempıonatynda baq synady. Onyń ishinde 2006 jylǵa deıin 1/8 fınalǵa deıin jetti.

Al Danııa quramasy óziniń tarıhynda mýndıalǵa besinshi márte keldi. Osylaısha ekinshi márte toptyq kezeńnen shyǵa almady.

Aıta ketsek, buǵan deıin jarystyń 1/8 fınalyna Frantsııa, Brazılııa, Portýgalııa, Nıderland, Senegal, Anglııa, AQSh quramalary joldama aldy.

Ashyq kózderden alynǵan foto