Qatar-2022: Anglııany utqan Frantsııa 1/2 fınalǵa shyqqan sońǵy komanda boldy
Aǵylshyndar 1996 jyly óz elinde ótken birinshilikte úzdik shyqsa, Frantsııa 1998 jáne 2018 jyldary chempıon atanǵan bolatyn.
Mamandar bul matchta favorıt retinde negizinen Frantsııany ataǵanymen, qos komandanyń múmkindigi birdeı edi. Pleı-ofta Garet Saýtgeıt jattyqtyratyn aǵylshyndar Senegaldan ońaı ótti – 3:0. Dıde Deshamnyń shákirtteri de Polshany senimdi utty – 3:1.
Bul joly birinshi taımda 17-mınýtta Antýan Grızmannan pas alǵan 22 jastaǵy jartylaı qorǵaýshy Orelen Chýamenı alystan qaqpa buryshyn dál kózdep, Frantsııany alǵa shyǵardy – 1:0. Bul onyń ulttyq qurama sapyndaǵy ekinshi goly edi.
Sodan keıin Frantsııa sapynda 143-inshi matchyn ótkizip, rekord ornatqan qurama kapıtany Ýgo Lorıs Harrı Keınniń qos birdeı soqqysyn toıtardy.
Ekinshi kezeńde Ý.Lorıs 19 jastaǵy Djýd Bellıngemniń gol soǵýyna múmkindik bergen joq. Áıtse de O.Chýamenı 52-mınýtta óz aıyp alańynda Býkaıo Sakany shalyp jyqty. Anglııa kapıtany Harrı Keın 54-mınýtta 11 metrlik núkteden múlt ketken joq – 1:1. Bir qyzyǵy, Ý.Lorıs pen H.Keın Anglııanyń «Tottenhem» klýbynda birge oınaıdy.
Aǵylshyn qaqpashysy Djordan Pıkford ta qarap qalmaı, áýeli Adrıen Rabonyń, sosyn Olıve Jırýdiń soqqysyn qaıtardy. Degenmen 78-mınýtta A.Grızmannan pas alǵan O.Jırý baspen qaqpany dál kózdedi – 2:1. Bul Antýannyń kezdesýdegi ekinshi nátıjeli pasy edi.
Brazılııalyq tóreshi Vılton Sampaıo Frantsııa qorǵaýshysy Teo Ernandes alańǵa tyńnan qosylǵan Meıson Maýntty ıterip qulatty dep eseptep, 82-mınýtta ekinshi penaltıdi belgiledi. Alaıda H.Keın bul joly dopty aspanǵa tepti.
Osylaısha, Anglııany 2:1 esebimen súrindirgen Frantsııa 14 jeltoqsan kúni fınalǵa shyǵý úshin Marokkomen talasady.
Eske sala keteıik, budan buryn Nıderland quramasyn joldan taıdyrǵan Argentınanyń jartylaı fınalǵa shyqqanyn jazǵan bolatynbyz.
Sondaı-aq amerıkalyq jýrnalıst Nıderland-Argentına matchy kezinde kóz jumdy.
Brazılııada fýtbol jankúıerleri tóbelesip, 1 adam kóz jumdy.
Marokko Portýgalııany jeńip, ½ fınalǵa joldama aldy.
Portýgalııa jeńilgennen keıin Krıshtıaný Ronaldý kóz jasyna erik berdi.
Marokko qaqpashysy Portýgalııamen matchtyń úzdik oıynshysy atandy.
Frantsııa qaqpashysy Ýgo Lorıs óz eliniń rekordyn jańartty.
Foto: CATHERINE IVILL/GETTY IMAGES
