Qatar-2022: Anglııa men AQSh quramalary teń tústi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń V tobynda Anglııa men AQSh quramalary teń tústi, dep habarlaıdy QazAqparat tilshisi.

Alǵashqy týrda Anglııa quramasy Irandy 6:2 esebimen jeńip, týrnır kestesindegi jaǵdaıyn jaqsartyp alǵan edi. Esesine AQSh fýtbolshylary Ýelspen kezdesýinde 1:1 esebine qanaǵat bildirgen bolatyn.

Oıyn barysynda amerıkalyq fýtbolshylar azýly qarsylasyna laıyqty tótep berýge tyrysty. Tipti qaqpaǵa soqqy jasaý jóninen alda turdy. Dese de, dopty ustaýdan Anglııanyń basymdyǵy aıqyn ańǵarylyp turdy.

Oıynnyń 68-mınýtynda Anglııanyń bas bapkeri eki fýtbolshyny birden almastyrdy. Djýd Bellıngem men Rahım Sterlıngtiń ornyna Djordan Henderson men Djek Grılısh shyqty. Degenmen oıyn barysy burynǵydan ózgere qoıǵan joq. Garrı Keın bastaǵan aǵylshyn fýtbolshylary qarsylastar qaqpasynan sańylaý taba almaı jatty.

Kezdesýde quramalar 0:0 esebine qanaǵat bildirdi.

Eske salsaq, budan buryn V tobynda Iran quramasy Ýelsten 2:0 esebimen basym tústi.

Sondaı-aq V tobynda Senegal Qatardy jeńdi.

Al atalǵan toptaǵy Nıderland pen Ekvador quramalary teń tarqasty.

Endi 26 qarashada S jáne D tobyndaǵy quramalar ekinshi týr oıyndaryn ótkizedi.

Foto: Clive Mason/Getty Images