Qatar-2022: Anglııa ekinshi jeńisine qol jetkize ala ma

ASTANA. QazAqparat - Qatarda ótip jatqan fýtboldan 2022 jylǵy álem chempıonatynyń altynshy oıyn kúninde, 25 qarashada V tobynda ekinshi týr oıyndary ótedi, dep habarlaıdy QazAqparat tilshisi.

Alǵashqy oıyn elorda ýaqytymen 16:00-de Ýels pen Iran arasynda ótkizilip, «Qazsport» telearnasynan tikeleı efırde kórsetiledi.

Kezdesý Al-Raıan qalasyndaǵy 45032 jankúıerge arnalǵan «Ahmed bın Alı» stadıonynda bolady.

Bas tóreshi - gvatemalyq Marıo Eskobar. Oǵan Trınıdad jáne Tobago elinen kelgen Kaleb Ýoles pen kosta-rıkalyq Hýan Karlos Mora kómekshilik jasaıdy.

Qosalqy tóreshi - senegaldyq Magett N'Dıaıe.

1978 jyldyń 18 sáýirinde joldastyq kezdesýde Ýels atalǵan qarsylasynan 1:0 esebimen basym tústi.

Alǵashqy týrda Ýels AQSh quramasymen 1:1 esebimen teń tússe, Iran Anglııaǵa 2:6 esebimen jol berdi.

Eki qurama da jarysty jalǵastyrýdan úmit úzgen joq. Sondyqtan búgingi oıynda bar kúshti salatyny anyq.

Atalǵan toptaǵy Anglııa men AQSh kezdesýi elorda ýaqytymen 01:00-de «Qazaqstan» jáne «Qazsport» telarnalarynan tikeleı efırde kórsetiledi.

Kezdesý Stadıon: El-Haýr qalasyndaǵy 68895 jankúıerge arnalǵan «El-Baıt» stadıonynda ótkiziledi.

Bas tóreshi - venesýeelalyq Hesýs Valensýela. Oǵan otandastary -Horhe Ýrrego Martınes pen Týlıo Moreno kómekshilik jasaıdy. Qosalqy tóreshi - japonııalyq Esımı ıAmasıta.

Eki qurama buǵan deıin 12 márte kezdesti. Onyń ekeýi AQSh quramasynyń basymdyǵymen aıaqtalsa, eki kezdesý teń nátıjemen aıaqtaldy.

Qalǵanynda aǵylshyn fýtbolshylary jeńiske jetti.

Eske salsaq, 24 qarashada birinshi týr oıyndary máresine jetti.

Foto: JULIAN FINNEY/GETTY IMAGES