Qatar-2022: Álem chempıonatynda eń uzyn oıynshy kim

ASTANA. QazAqparat - Qatarda ótip jatqan fýtboldan álem chempıonatynda eń uzyn jáne eń qysqa boıly oıynshylar anyqtaldy, dep habarlaıdy QazAqparat tilshisi.

Álem birinshiliginde boıy eki metrden asatyn 2 fýtbolshy bar. Olardyń biri - Nıderlandy quramasynyń qaqpashysy Andrıes Nopperttiń boıy 203 santımetrdi qurasa, serbııalyq golkıper Vanıa Mılınkovıch-Savıchtiń boıy odan bir santımetrge tómen.

Al senegaldyq qorǵaýshy Pap Abý Sısse men belgııalyq qaqpashy Tıbo Kýrtýanyń eki metrge bir santımetr jetpeı tur..

Alasa boıly fýtbolshy marokkolyq Ilıas Shermen eshkim talasa almaıdy, onyń boıynyń uzyndyǵy - 158 santımetr. Katarlyq Assım Madıbo (163 santımetr) odan sál uzyndaý.

Eń uzyn boıly fýtbolshylar Serbııa quramasynyń qatarynda oınaıdy. Olardyń boıynyń ortasha kórsetkishi - 187,15 santımetr. Al Meksıka (179,08 santımetr) alasa boıly qurama sanalady.

Eske salsaq, budan buryn Japonııa jankúıerleri oıynnan soń stadıondy qoqystan tazartyp ketti.

Sondaı-aq, Anglııa - Iran matchy álem chempıonatynda eń uzaqqa sozylǵan oıyn retinde erekshelendi.

Foto: AlJazeera