Qatar-2022: A tobynda jarysty qaı qurama jalǵastyrady

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda 29 qarashada A tobynda úshinshi týr oıyndary bastalady, dep habarlaıdy QazAqparat tilshisi.

Atalǵan toptaǵy eki oıyn da elorda ýaqytymen 21:00-de bastalady.

Qazirge deıin týrnır kestesinde Nıderland - 4, Ekvador men Senegal - 3 upaı enshilep tur. Bul quramalardyń jarysty jalǵastyrý múmkindigi bar. Al eki týrda upaısyz qalǵan Qatar toptyq kezeńnen árige bara almaıdy.

Nıderland pen Qatar kezdesýi «Qazaqstan» telearnasynan tikeleı efırde kórsetiledi.

Oıyn El-Haýr qalasyndaǵy 68895 jankúıerge arnalǵan «El-Baıt» stadıonynda ótkiziledi. Bas tóreshi - gambııalyq Bakarı Gassama.

Eki qurama óz tarıhynda tuńǵysh márte kezdesedi.

Bul toptaǵy Ekvador men Senegal oıynyn jankúıerler «Qazsport» telearnasynan tamashalaı alady.

Oıyn el astanasy Doha qalasyndaǵy 45857 jankúıerge arnalǵan «Halıfa Interneıshnl» stadıonynda bolady. Bas tóreshi -frantsııalyq Kleman Tıýrpen.

Eki qurama óz tarıhynda ekinshi márte oınaıdy. 2002 jyly ótken joldastyq kezdesýde Senegal 1:0 esebimen basym túsken edi.

Condaı-aq, 1.00-de V tobynda Ýels pen Anglııa, Iran men AQSh quramalary sheberlik baıqasady.

Eske salsaq, budan buryn Brazılııa rekordtyq kórsetkishke qol jetkizdi.

Ashyq kózderden alynǵan foto