Qatar-2022: A tobynan Nıderland birinshi orynmen pleı-off satysyna shyqty
Dúbirli dodada nıderlandtyq qurama alǵashqy eki týrda nebári tórt upaı jınady. Nátıjesinde pleı-off satysyna shyǵý múmkindigin úshinshi týrda sheshýine týra keldi.
Nıderlandtyq fýtbolshylar úshinshi týrda alań ıeleri - Qatar quramasymen kezdesti. Alań ıeleri eki týrda birde-bir upaı ala alǵan joq. Saldarynan jarysty jalǵastyra almaıtyny belgili boldy.
Soǵan qaramastan olar sońǵy týrda nıderlandtyq quramaǵa laıyqty tótep berýge tyrysty. Qorǵanys shebinde saýatty oıyn kórsetýge kúsh saldy. Degenmen olardyń qaqpa mańynda qarsylastary jıi boı kórsetti.
Osyndaı sátterdiń birinde Kodı Gakpo 26-mınýtta áriptesi Davı Klassenniń bergen pasyn golǵa aınaldyrdy.
Oıynnyń 49-mınýtynda nıderlandtyq Frenkı de Iong esepti ústemeleı tústi.
Osylaısha Nıderland qarsylasynan 2:0 esebimen basym tústi.
Aıta ketsek, nıderlandtyq fýtbolshylar 1974, 1978, 2010 jyldary kúmis medal alsa, 2014 jyly úzdik úshtikti túıindedi.
Endi 1/8 fınalda Nıderland quramasy V tobynda ekinshi oryn alǵan quramamen kezdesedi.
Aıta ketsek, elorda ýaqytymen 1:00-de V tobyndaǵy Ýels pen Anglııa kezdesýi «Qazaqstan», Iran men AQSh oıyny «Qazsport» telearnasynan tikeleı efırde kórsetiledi.
Al S jáne D tobyndaǵy quramalar 30 qarashada úshinshi týr oıyndaryn ótkizedi.
