Qatar-2022: 1/8 fınaldyń alǵashqy oıynynda Nıderland pen AQSh kezdesedi

ASTANA. QazAqparat - Qatarda ótip jatqan fýtboldan 2022 jylǵy álem chempıonatynda búgin 1/8 fınalynda Nıderland - AQSh quramalary kezdesedi, dep habarlaıdy QazAqparat tilshisi.

Kezdesý elorda ýaqytymen 21.00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.

Oıyn el astanasy - Doha qalasyndaǵy 45857 jankúıerge arnalǵan «Halıfa Interneıshnl» stadıonynda ótkiziledi. Bas tóreshi - brazılııalyq Vılton Sampaıo. Oǵan Brýno Boshılııa men Brýno Pıres. Qosalqy tóreshi - ýrýgvaılyq Andres Matonte (Ýrýgvaı).

FIFA reıtınginde Nıderland - 8, AQSh 16-orynda tur.

Toptyq kezeńde Nıderland A tobynda 7 upaımen birinshi oryn aldy. Olar Senegal men Qatardy 2:0 esebimen tize búktirip, Ekvadormen 1:1 esebimen teń tústi.

Al V tobynda AQSh ekinshi orynǵa taban tiredi. Olar Irandy 1:0 esebimen jeńse, Ýelspen 1:1, Anglııamken 0:0 esebimen teń tústi.

Eki qurama buǵan deıin alty márte kezdesti. Onyń besýinde nıderlandtyq fýtbolshylar jeńiske jetse, bireýinde amerıkandyq qurama basym tústi.

Sondaı-aq, elorda ýaqytymen 1.00-de Argentına men Avstralııa kezdesýi «Qazaqstan» men «Qazsport» telearnalarynan kórsetiledi.

Eske salsaq, álem chempıonatynyń 1/8 fınalyna shyqqan quramalar anyqtaldy.

Foto: bbc.com