Qatań rejimdegi túzeý mekemesinde kirpish shyǵaratyn óndiris iske qosyldy - Qyzylorda
Qyzylorda oblystyq prokýratýrasynyń baspasóz hatshysy Seıil Botakóz habarlaǵandaı, «Kolonııadaǵylardy jumyspen qamtý-2017» jobasyn iske asyrýda qylmystyq atqarý júıesiniń jumysyn úılestirý men qadaǵalaý prokýratýra organdarynyń basymdyqty baǵyttarynyń biri boldy.
Oblystyq prokýratýramen QAJD-ne prokýrorlyq yqpal etý aktileri engizilip, jergilikti atqarýshy jáne quzyrly memlekettik organdarǵa aqparattar joldanyp, óńirdegi sottalǵandardyń jumyspen qamtylý jaǵdaıyna nazar aýdaryldy. Sottalǵandardy jumyspen qamtýda oblys ákimdigi janyndaǵy Konsýltatıtvtik-keńes organynyń quzyry paıdalanyldy.
Oblys prokýrorynyń aǵa kómekshisi Meıramhan Ibrashevtiń aıtýynsha, birlesip qabyldanǵan sharalarmen «Baıser kirpish zaýyty» JShS-men ZK-169/4 qonys-kolonııasynda kirpish shyǵaratyn óndiris orny iske qosylyp, qosymsha 40 sottalǵan jumyspen qamtylǵan.
Sondaı-aq, qatań rejimdegi ZK-169/5 túzeý mekemesinde de jańa óndiris oryndaryn ashý jalǵastyryldy.
Eske sala ketsek, konsýltatıvtik-keńes organynyń otyrysy tikeleı atalǵan mekemede ótkizilip, oǵan óńirlik kásipkerlik palata men bıznes ókilderi qatysqan bolatyn.
Otyrysta jańa óndiris oryndaryn, onyń ishinde kirpish zaýytyn iske qosý týraly sheshimder qabyldandy.
Aǵymdaǵy jyldyń 20 sáýirinde mekemede jańadan kirpish shyǵarý óndirisi iske qosylyp, 31 sottalǵan jumyspen qamtyldy.
Qabyldanǵan sharalarmen barlyq túzeý mekemelerindegi sottalǵandardy jumyspen qamtý 79,6% qurap, jobanyń oryndalýyna qol jetkizildi.
Jobanyń iske asyrylýy túrmedegilerdiń sanynyń tómendeýine yqpal etip, jyl saıyn bosatylǵandardyń sany artty: 2014 j. - 229, 2015 j. - 355, 2016 j. - 381 bosatylǵan.
Túrmedegilerdiń sanynyń tómendeýi aǵymdaǵy jyly da jalǵasyp, birinshi toqsanda 210 (79) sottalýshy bosatylsa, onyń 141-i «QR Táýelsizdiginiń jıyrma bes jyldyǵyna baılanysty raqymshylyq týraly» Zańymen bosatylǵan.
