Qatań rejimdegi kolonııada 15 adam ózderine qol jumsady
ASTANA. Qarashanyń 11-i. QazAqparat /Ǵalymjan Hasenov/ - Astanadaǵy qatań rejimdegi ETs-166/10 túzetý mekemesinde búgin, qarashanyń 11-i kúni tótenshe oqıǵa oryn aldy - bir top adam ózderine qol jumsap, denelerin zaqymdady,
dep habarlady Qylmystyq-atqarý júıesi komıteti taratqan baspasóz baıanynda.
«Sottalǵan 15 adam bilekke jáne qaryndaryna jaraqattar saldy. Barlyǵyna qajetti medıtsınalyq kómek kórsetildi. Anyqtalǵandaı, olardyń denelerin zaqymdaýlaryna ózderi otyrǵan mekemedegi rejimmen kelispeýleri sebep bolǵan», delingen baspasóz baıanynda.
Oqıǵa ornynda Qylmystyq-atqarý júıesi komıteti tóraǵasy orynbasarynyń basshylyǵymen jáne quramyna Bas prokýratýra men Astana Іshki ister departamenti ókilderi kirgen arnaıy komıssııa jumys isteýde.
Qazir túzetý mekemesindegi jaǵdaı turaqty jáne baqylaýda.
