Qatań rejimdegi Arqalyq túrmesine birinshi ret áıel adam tústi
QOSTANAI. QazAqparat - Arqalyqtaǵy 161/12 jazasyn óteýshiler mekemesine birinshi ret áıel adam tústi, dep habarlaıdy QazAqparat.
Arqalyq túrmesinde aýyr jáne asa aýyr qylmystary úshin sottalǵandar jazasyn ótep jatyr. Qostanaı oblysy boıynsha qylmystyq-atqarý júıesi departamentiniń baspasóz qyzmeti habarlaǵandaı, munda birinshi ret áıel adam túsip otyr.
«1993 jyly týǵan boıjetken buǵan deıin Almaty oblysynyń LA-155/4 mekemesinde jazasyn ótep kelgen. Keıin Arqalyq túrmesine jiberildi. Bul qatań rejimdegi túrmeniń tarıhyndaǵy birinshi jaǵdaı. Sottalǵan qyz QR QAK 96-baby boıynsha jazany óteýdiń belgilengen tártibin júıeli túrde buzǵany úshin sot qaýlysy negizinde tolyq qaýipsizdik mekemesine keldi», - delingen vedomstvonyń baspasóz habarlamasynda.
Qylmystyq-atqarý júıesi departamentiniń baspasóz qyzmeti onyń qasaqana kisi óltirgeni úshin abaqtyǵa jabylǵanyn aıtty.
