Qatań karantın is-sharalary engizilgen jaǵdaıda qansha adam jumyssyz qalady – maman jaýaby
«Bizdiń ortalyq mundaı baǵalaý júrgizdi. Eń aldymen biliktilik deńgeıin, qandaı salalarda adamdar arasynda baılanys bolatyndyǵyn eskerdik. Árıne, bul belgili bir ýaqyt kezeńinde jumys isteýge tyıym salatyn qatań karantın is-sharalary engizilgen jaǵdaıda ǵana. Baǵalaýymyzsha, 8,7 mln jumys kúshiniń ishinde 4,1 mln adam jumys oryndarynda qalady. Olar: TKSh, dárigerler, medıtsına qyzmetkerleri, óndiristik kásiporyndar, aýyl sharýashylyǵy jumysshylary», - dedi ol Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, bilim berý salasynyń, memlekettik organdardyń, keńselerdiń qyzmetkerleri qashyqtan jumys isteýge kóshirilýi múmkin. Olardyń sany shamamen 2,5 mln adamdy quraıdy.
«Biz táýekel tobyna kirýi yqtımal dep 2 mln adamdy qarastyramyz. Biraq, munyń ózi de naqty jaǵdaılarǵa baılanysty. Bul birinshi kezekte qyzmet kórsetý, saýda, kólik syndy salalardy qamtıdy. Al eger jumys ornyn joǵaltýmen baılanysty jaıtqa toqtar bolsaq, onda bizdiń esebimizshe 165 myń adam jumyssyz qalýy múmkin. ıAǵnı, tolyqtaı shekteý is-sharalary engizilgen jaǵdaıda 165 myń qyzmetker jumysyn joǵaltady», - dedi Dáýlet Arǵyndyqov.