Katalonııanyń Ispanııadan táýelsizdigin qoldap júzdegen myń adam sherýge shyqty
ASTANA. QazAqparat - Katalonııanyń Ispanııadan táýelsizdigin qoldap júzdegen myń adam Barselona kóshelerine sherýge shyqty, dep jazady Bı-bı-sı.
Sherý katalondyqtar 11 qyrkúıek kúni atap ótetin «ulttyq kúnge» oraı uıymdastyryldy.
Eki aptadan soń Ispanııada óńirlik bılik organdarynyń saılaýy ótedi. Narazylyq sharasynyń belsendileriniń pikirinshe osy daýys berý kezinde provıntsııanyń taǵdyry túbegeıli sheshilmek.
2014 jyly Katalonııada beıresmı plebıstsıt (erekshe mańyzdy másele týraly barlyq halyqtyń pikirin alý) ótkizilgen. Onda daýys bergenderdiń 80 paıyzy táýelsizdikti jaqtap shyqqan.
Foto: Reuters
